做媽媽要輕鬆？自信自主 破解現代育兒壓力源！

#MyBodyTruth 最近有位媽媽分享，自己自細就係運動健將，身型一直都均勻結實，但懷孕期間因為身邊人話胎兒比較細小，需要不停進補，幫寶寶追趕營養，以致產後身材大走樣，花了 3 年都修唔到身，自信大減！加上社交媒體經常帶動風向，「產後修身黃金期」、「某女明星產後身材都無走樣」等話題大行其道，令媽媽更加擔心永遠無法回復產前美態。其實就算「卸咗貨」，媽媽都要花長時間先可以恢復，愈急愈唔得，被大眾催眠要「夠瘦先係靚媽」，令媽媽感到極大壓力。

#MyMentalTruth 至於心理方面，因為角色轉變，要平衡新生活和新身份帶來的衝擊，容易令媽媽感到焦慮。選擇工作，還是家庭？又來 Why not both？身兼多職，真是有苦無人知。曾經有媽媽喺寶寶出世後，由餵哺到照顧都親力親為，但係寸步不離嘅照料唔單止令佢無覺好瞓，精神欠佳，仲情緒低落、煩躁，無緣無故爆喊。而老公工作繁忙，唔識安撫同體諒，令媽媽情緒難以舒緩，甚至覺得生 BB 係錯誤嘅決定！根據一項統計*，有近八成新生兒母親，喺產後經歷情緒波動，或出現負面情緒，所以媽媽產後情緒問題不容忽視！

#MyCommunityTruth 再講就係同身邊媽媽朋友或者「四大長老」之間嘅軟性戰爭：為人母少不免會聽到一些經驗之談，言者未必有心，但就有機會令媽媽感到焦慮，覺得被針對、被誤解、受委屈。試過有新手媽媽，餵哺母乳未熟手，朋友只想禮貌幫忙提點一下，但卻令媽媽對號入座，覺得自己「連餵奶都唔識，點做人媽咪」，一時難以釋懷。「幫個仔報 N 班，遲入學唔好」、「兩歲就要戒片」，呢啲看似善意嘅提點，有機會變成比較、指責或者取笑，不知不覺間加重媽媽心理負擔，信心動搖，質疑自己做得唔夠好，壓力大增。

#TheTruthIs 而事實上，無人一開始就識點做媽媽，大家都係邊做邊學！每位媽媽都必然會為 BB 盡力做到最好，與其聽人地，不如信自己，記緊 #信自己就係啱！過份追求完美形象，執著別人嘅說話，只會忽略自己情緒需要。體質人人唔同，修身有快有慢，努力嘅你已經好靚！網上育兒貼士成個 full list 跟到足，未必係最適合寶寶，媽媽絕對可以有自己嘅一套，相信自己，主動選擇自己嘅方式，唔需要同其他人比較，活得更輕鬆。

#TheTruthIs 媽媽們亦要多啲同人分享湊 B 苦與樂，可以成立自己嘅支援小組，分享心得。有同路人搵到共鳴，知道自己唔係孤立無援，能夠釋放壓力，增加信心。媽媽更加要聆聽自己同寶寶嘅需要，一齊找尋最適合嘅成長方法。找尋嘅過程，媽媽可以隨心同寶寶探索，慢慢嚟，唔好操之過急，一齊走過只有一次嘅成長！

當媽媽都可以很輕鬆

做媽媽唔容易，但你並不孤單。Tommee Tippee 作為全球嬰兒用品品牌領導者之一，深知照顧新生命嘅需要，50 多年來照顧寶寶唔同階段需要，更推陳出新，一直開發新產品，包括母乳餵哺產品、奶瓶、消毒器、餐具、學習杯、及寶寶睡袋等新穎產品，切合現代媽媽嘅需要，令照顧寶寶嘅過程變得輕鬆，從而建立信心，享受為人母嘅樂趣。

Tommee Tippee 成就你嘅非凡育兒旅途！

*資料來源：衛生署